تعليق قوي للمخرج عمرو سلامة على الانتقادات التي يتعرض لها يوسف الشريف

شكرا لقرائتكم موضوع - خبر عن تعليق قوي للمخرج عمرو سلامة على الانتقادات التي يتعرض لها يوسف الشريف عبر عالم مسلسلات 2020 والان إلى التفاصيل :

رد المخرج عمرو سلامة، على الانتقادات التي يتعرض لها النجم يوسف الشريف بعد تأكيده بعدم قبوله تمثيل المشاهد الساخنة وذلك خلال لقائه مع الاعلامي رامي رضوان.

وكتب عمرو سلامة عبر حسابه الشخصي على موقع التواصل الاجتماعي "فيسبوك" قائلاً: "ليه الكثير من المصريين محترمين يوسف الشريف على قراراته والفنانين بيهاجموه؟ .. ليه الممثلات مش بيوافقوا يبوسوا والفنان يوسف الشريف مش بيلمس أي ممثلة؟ . أولا وقبل ما أشرح وجهة نظري المختلفة مع يوسف الشريف، يوسف الشريف أو أي ممثل".

وأضاف: "هو حر حرية كاملة يعمل أو مايعملش اللي هو عايزه، في نجوم ونجمات كثير في أمريكا وأي حتة في العالم بيرفضوا أدوار بتتطلب منهم يطلعوا عرايا أو يعملوا مشاهد جنسية، من حقهم، وعمر ما هوليوود أو غيرها عاقبتهم أو هاجمتهم".

وأضاف: "من أبسط قواعد الحرية، ده لو في حرية، إن الإنسان حر في جسمه أو الصورة اللي عايز يصدرها عن نفسه، حر في قناعاته وإيمانه وسلوكه، لو عايز يبقى سلفي أو يبقى ملحد، كل واحد حر، ده نظريا لو مؤمنين بالحرية، طالما لم يضر من حوله وليه طيب في مصر شريحة كبيرة من الفنانين بالخصوص متضايقين من يوسف الشريف؟ هل مضايقتهم مبررة؟".

واستكمل حديثه قائلاً: "الفنانين في مصر بيصنعوا فن وبيتم مهاجمة فنهم من جموع كبيرة محافظة، رقابة محافظة، دولة محافظة، مؤسسات دينية محافظة، وطول الوقت بيحاولوا ياخدوا أي مكاسب من بق الأسد وياخدوا مساحة إبداع أكبر، والفنانين لو صبوا غضبهم على يوسف الشريف فيوسف الشريف مش الهدف الصحيح لتوجيه الغضب، هم بس متضايقين لما يشوفوا واحد من جوا معسكرهم واخد صف الأطراف الثانية، لو ماكناش بنعمل فن وبنتهاجم من كل الأطراف ديه، ماكانوش إتضايقوا".

وتابع: "في أحد أفلامي كان في مشهد فيه بوسة سريعة جدا، شخصية بتبوس شخصية ثانية عنوة، بوسة لن يتعدى مدتها ٥ ثواني على الشاشة، بدون حتى أي طاقة جنسية فيها، علشان ألاقي ممثلة تعمل البوسة الحزينة ديه، قعدت يمكن سنة ونص بدور على ممثلة توافق تعملها.. والاعذار والردود اللي سمعتها من الممثلات كانت كاشفة جدا لنوع الضغوطات اللي على الممثلات بالذات وسط مجتمعنا، وديه ردود سمعتها من كذا ممثلة بدون ذكر أسامي".

وأضاف: "أنا مش عايزة يبقى انطباع الناس عني، إني من الممثلات اللي بتتباس" .. "بص لو الفيلم ده أمريكاني وهيتعرض في أمريكا هعمل البوسة لكن في مصر لأ".. "أنا مستعدة أطلع عريانة بس ماحدش يبوسني".. "أنا لو عملت البوسة ديه مش هعرف أتجوز، وعدد الرجالة اللي مستعدين يتجوزوني بعدها هيتقلص".. "بص أنا مرة عملت مشهد فيه بوسة كنت ماشية في الشارع بعدها لقيت واحد بيقولي كلام غير لائق فمش هعملها ثاني".

وأوضح: "طبعا على قدر إحباطي إني مش عارف ألاقي ممثلة كانوا بجد صعبانين عليا إنهم مضطرين يمثلوا وهم على رقابيهم كل السيوف ديه.. الجمهور المصري في أغلبه محافظ ومتدين نوع ما من التدين كلنا عارفين وبننتقده طول الوقت، أكثر من أي وقت في الميت سنة اللي فاتت، وبيطلق أحكام سريعة وقاسية، أكثر من الأجيال السابقة، من أيام فاتن حمامة لأيام نادية الجندي ماكنش في كمية الأحكام ديه على أي ممثلة بتبوس، لكن في أخر عشرين سنة، لأسباب إجتماعية دينية سياسية أصبح الجمهور ذكوري أبوي محافظ متدين قول أي أوصاف ثانية تحبها، ومع السوشيال ميديا شتايمه وأحكامه بتوصل للفنانين أسرع والممثلين والفنانين ببساطة جزء من الشعب".

واختتم حديثه قائلاً: "يوسف الشريف شبه الغالبية العظمى الكاسحة من الشعب المصري، وإحنا اللي أقلية غريبة شاذة وبيتحكم علينا من الشعب ده ومش مرضي عن أفكارنا حتى لو الشعب على فكرة بيتفرج عليها، مهتم يتفرج بس مهتم يشتم علشان يريح ضميره، زي ما بيعمل مع برنامج رامز كل سنة.. أعتقد غير موضوعي إننا نهاجم يوسف الشريف، بالعكس، أنا شايف أننا لازم نحترم حريته، ونحترم آراؤه جدا، حتى لو إختلفنا معاها، ومانتوقعش إن أي حد إشتغل بالفن لازم نتوقع منه يحارب معانا حرب الحريات لإنه مش لازم يكون مؤمن بيها زينا، لإن ده تنمر وقهر المجموعة في حد ذاته.. الموضوع إننا نكمل في هذه الحرب باللي نقدر عليه، وإحنا عارفين ومتوقعين إننا أقلية وسط أقلية وسط أقلية، والمكاسب بطيئة جدا وكل شوية ممكن يحصل نكسة ممكن ترجعنا ورا، بس هنرجع نحارب ثاني، وسط جموع كارهانا وبتحكم علينا وحتى بعضها مستحقرنا لإن ماعندناش حلول ثانية".

كانت هذه تفاصيل موضوع او خبر تعليق قوي للمخرج عمرو سلامة على الانتقادات التي يتعرض لها يوسف الشريف الذي نشر بتاريخ : الثلاثاء 2020/06/30 الساعة 04:21 ص .. نرجوا بأن نكون قد وفقنا بإعطائك التفاصيل والمعلومات الكامله .

كما تَجْدَرُ الأشاراة بأن الموضوع الأصلي قد تم نشرة ومتواجد على بوابة الفجر - الفجر الفني وقد قام فريق التحرير في عالم مسلسلات 2020 بالتاكد منه وربما تم التعديل علية وربما قد يكون تم نقله بالكامل اوالاقتباس منه ويمكنك قراءة ومتابعة مستجدادت هذا الخبر او الموضوع من مصدره الاساسي.

متعلقات

  • يوسف الشريف كيف نفرق بين الخير والشر وما نحن في النهاية سوي بشر

    يوسف الشريف: كيف نفرق بين الخير والشر وما نحن في النهاية سوي بشر

    بوابة الفجر
  • تعليق مؤثر ماذا قال طارق النهري بعد الحكم بسجنه 15 عاما

    تعليق مؤثر.. ماذا قال طارق النهري بعد الحكم بسجنه 15 عاما؟

    صدى البلد
  • كاملة أبو ذكري تنتقد تصريحات يوسف الشريف عن المشاهد الساخنة

    كاملة أبو ذكري تنتقد تصريحات يوسف الشريف عن المشاهد الساخنة

    العرب اليوم
  • اخبار الفن كاملة ابو ذكرى تفتح النار على يوسف الشريف طارق النهرى من الشهرة الى خلف القضبان والجمهور يطارد للا ف

    اخبار الفن .. كاملة ابو ذكرى تفتح النار على يوسف الشريف .. طارق النهرى من الشهرة الى خلف القضبان .. والجمهور يطارد للا فضة بسبب المتحرش

    صدى البلد
  • كاملة أبو ذكرى تهاجم يوسف الشريف على فيس بوك المجاهرة بالصلاة حرام

    كاملة أبو ذكرى تهاجم يوسف الشريف على فيس بوك : المجاهرة بالصلاة حرام

    اليوم السابع
  • إياد نصار يثير الجدل بتعليقه على قضية المتحرش أحمد بسام ذكي

    إياد نصار يثير الجدل بتعليقه على قضية المتحرش أحمد بسام ذكي

    موقع الفن
  • كاملة أبو ذكري تشن هجوم ا حاد ا على يوسف الشريف بعد تصريحاته الأخيرة

    كاملة أبو ذكري تشن هجومًا حادًا على يوسف الشريف بعد تصريحاته الأخيرة

    بوابة الفجر
  • هتوحشنوني وهتوحشني تعليقاتكم هالة صدقي لجمهورها بعد اخر حلقه من مسلسلها ليه لا

    هتوحشنوني وهتوحشني تعليقاتكم ....هالة صدقي لجمهورها بعد اخر حلقه من مسلسلها ليه لا

    صدى البلد
  • يوسف الشريف معلقا على مشروع مدينة العملين الجديدة أحلى بلد فى الدنيا

    يوسف الشريف معلقا على مشروع مدينة العملين الجديدة: أحلى بلد فى الدنيا

    اليوم السابع
  • تعليق صارم من طارق الشناوي على تصريحات يوسف الشريف

    تعليق صارم من طارق الشناوي على تصريحات يوسف الشريف

    بوابة الفجر
  • أخبار أخرى

    الأكثر قراءة
    ( عالم مسلسلات 2020 ) محرك بحث إخباري لا يتحمل أي مسؤولية قانونية عن المواد المنشورة فيه لانها لا تعبر عن رأي الموقع..